Газрын үйл ажиллагааны стратегийн зорилт:

Төрийн захиргааны удирдлагын манлайлал, хүний нөөцийн удирдлагаар хангах, байгууллагын хөрөнгө санхүүгийн эх үүсвэрийг оновчтой удирдах, тайлагнах, газрын тостой холбоотой үйл ажиллагааны орлогыг тооцох, төсөвт төвлөрүүлэх, гэрээлэгчдийн төлөвлөгөө төсвийг хянах, үйл ажиллагааны тэргүүлэх чиглэл, зорилт, чиг үүргийг хэрэгжүүлэхтэй холбоотой хууль, эрх зүйн орчинг боловсронгуй болгох, дүрэм, журам, стандарт боловсруулах, батлуулах, мөрдүүлэхэд эрх зүйн дэмжлэг үзүүлэх, салбарын хэмжээнд байгуулагдах Бүтээгдэхүүн хуваах гэрээ болон бусад гэрээ, хэлэлцээр хийх ажлыг зохион байгуулах, сурталчлах, гэрээний хэрэгжилтэд хяналт тавих;

Газрын үндсэн чиг үүрэг:

Төрийн захиргааны удирдлагын болон хүний нөөцийн удирдлагын манлайллыг хангах, байгууллагын үйл ажиллагаанд удирдлагын тэргүүний арга барил, туршлагыг нэвтрүүлэх, хүний нөөцийн удирдлага, хөгжлийн асуудлыг шийдвэрлэх, салбарын боловсон хүчнийг бэлтгэх, аж ахуй, нийтлэг үйлчилгээг хүн бүрд хүргэж үйлчлэх, байгууллагын үйл ажиллагааны үр нөлөө, үр ашгийг дээшлүүлэх, нэгжүүдийн ажлын уялдаа холбоог сайжруулах, ажлаа тайлагнах, хариуцлага тооцох, үр дүнг үнэлэн дүгнэх, урамшуулах тогтолцоог боловсронгуй болгох, гадаад харилцаа, хамтын ажиллагаа, мэдээлэл сурталчилгааны ажлыг зохион байгуулна.

Энэ нэгжийн чиг үүргийн хүрээнд хуулийн нэгж, санхүүгийн нэгж ажиллана.

• Санхүү, хөрөнгө оруулалтын нэгж нь: Байгууллагын санхүү бүртгэлийн төсвийн төлөвлөлт, тайлагналын үйл ажиллагаа, газрын тос, ашигт малтмалтай холбоотой үйл ажиллагаанаас орох орлогыг тооцох, төсөвт төвлөрүүлэх, холбогдох хэлтэстэй хамтран гэрээлэгчдийн жилийн ажлын төлөвлөгөө төсвийг хянах, гэрээ хэлэлцээрт оролцох
• Хууль эрх зүйн нэгж нь: Агентлагийн даргын шийдвэрийг хууль тогтоомжид нийцүүлэн гаргахад дэмжлэг үзүүлэх, холбогдох хууль тогтоомжийн хэрэгжилтийг хангуулах, Ашигт малтмалын тухай, Газрын тосны тухай, Цөмийн энергийн тухай хууль тогтоомжийн хэрэгжилтийг хангуулж, хяналт тавих, агентлагийн дарга /холбогдох нэгжийн удирдлага/-ын гаргасан шийдвэртэй холбоотой хэрэг, маргаанд байгууллагын эрх ашгийг шүүх, хууль хяналтын бусад байгууллагад үр дүнтэй, идэвхтэй төлөөлөн оролцох, агентлагийн бүтцийн нэгж, албан тушаалтнуудад салбарын хууль тогтоомжийн талаар эрх зүйн туслалцаа үзүүлэх, эрх зүйн мэдээлэл, сурталчилгааны ажлыг зохион байгуулах үндсэн чиг үүргийг хэрэгжүүлнэ.

Нэгжээс үзүүлэх үйлчилгээний шууд хэрэглэгч нь Ашигт малтмал, газрын тосны газрын дарга, газрын зохион байгуулалтын бүтцийн нэгжүүд, тэдгээрийн ажилтнууд байх бөгөөд шууд бус хэлбэрээр энэ үйлчилгээг хэрэглэгч нь Уул уурхай, хүнд үйлдвэрийн яам, Сангийн яам, Төрийн сан, Төрийн албаны зөвлөл, Засгийн газрын тохируулагч, хэрэгжүүлэгч агентлаг, иргэд аж ахуйн нэгж, иргэд, шүүх, хууль хяналтын байгууллага байна.

Газрын бүтэц, зохион байгуулалт: