Хайгуул, ашиглалтын газар

Газрын үйл ажиллагааны стратегийн зорилт:

Ашигт малтмалыг хаягдал, бохирдол багатай, эдийн засгийн үр ашигтай, байгаль орчинд сөрөг нөлөөлөл багатай техник, технологи ашиглан олборлох, баяжуулах, борлуулахтай холбогдсон судалгаа хийж дүгнэлт гаргах, нүүрсний салбарт баримтлах бодлогыг хэрэгжүүлэх, бодлого боловсруулахад шаардлагатай суурь судалгааг хийж мэдээллийн сан үүсгэх;Салбарын бодлогын хэрэгжилтийг хангах ашигт малтмалын геологи хайгуулын судалгааг эрчимжүүлэх, нөөцийг өсгөх;

Ашигт малтмалын тухай хууль, Цөмийн энергийн тухай хууль, Газрын тосны тухай хуулийг хэрэгжүүлэх зорилгоор ердийн болон цацраг идэвхт ашигт малтмалын хайгуул, ашиглалтын тусгай зөвшөөрлийн талбайд холбогдох кадастрын үйлчилгээ үзүүлэх;

Салбарын хууль тогтоомжийг хэрэгжүүлэх ажлыг зохион байгуулах, ашигт малтмал олборлох үйлдвэрлэлийн салбарын хөгжлийн бодлого боловсруулахад Уул уурхай, геологи, газрын тос, хүнд үйлдвэрийн асуудал эрхэлсэн төрийн захиргааны төв байгууллагад дэмжлэг үзүүлэх;

Газрын үндсэн чиг үүрэг:

Хайгуул, ашиглалтын асуудал хариуцсан зохион байгуулалтын нэгжийн үндсэн үүрэг, чиг үүрэг

Энэ нэгжийн чиг үүргийн хүрээнд уул уурхайн нэгж, ашигт малтмалын хайгуулын нэгж, кадастрын нэгж ажиллана.

Уул уурхайн нэгж нь:

• Агентлагийн үйл ажиллагааны стратегийн зорилтын хүрээнд ашигт малтмалыг эдийн засгийн өндөр үр ашигтай, экологид хохирол багатай техник, технологи ашиглан хаягдал, бохирдол багатай олборлох, баяжуулахтай холбогдсон судалгаа хийж санал, дүгнэлт, зөвлөмж гаргана;
• Ашигт малтмал олборлох, боловсруулах үйлдвэрлэлийн салбарын хөгжлийн бодлого боловсруулахад дэмжлэг үзүүлэх, бодлогын удирдамжийг хэрэгжүүлэх ажлыг зохион байгуулах, стратегийн ордыг эдийн засгийн эргэлтэд оруулах талаар санал боловсруулна;
• Металл ба металл бус ашигт малтмалын үйлдвэрлэлийн байдалд дүн шинжилгээ хийх, дүгнэлт гаргах, бүтээгдэхүүний үнийг судлах, эрэлт хэрэгцээг тооцох, зах зээлийн шинэ орчныг бүрдүүлэх үүднээс салбарын хөгжлийн бодлого тодорхойлоход шаардлагатай мэдээлэл, санал, зөвлөмж гарган Төрийн захиргааны төв байгууллага болон холбогдох газруудад хүргүүлнэ;
• ОҮИТБСанаачлагын зарчим, шалгуур, ач холбогдлыг сурталчлах, тайлбарлан таниулах, сургалт явуулах ажлыг холбогдох байгууллагуудтай хамтран зохион байгуулах, шаардлагатай мэдээлэл, санал, зөвлөмж гарган ажлын алба болон үндэсний зөвлөлд хүргүүлнэ;
• Салбарын техник, технологийн ажиллагааны байдалд хяналт тавих, байгаль орчинд сөрөг нөлөөлөл багатай, орчин үеийн дэвшилтэт, шинэ техник, технологийг Монгол орны онцлог нөхцөлд тохируулан нутагшуулна;
• Бичил уурхайгаар ашигт малтмал олборлох, байгаль орчинд нөлөөлөл багатай үйл ажиллагаа явуулах, бодлого боловсруулахад дэмжлэг үзүүлнэ;
• Салбарын хөгжлийн ойрын болон хэтийн бодлого, чиглэлийг тодорхойлоход шаардлагатай тооцоо, судалгаа хийх, санал боловсруулах, холбогдох төрийн захиргааны төв байгууллагыг мэдээллээр хангана;
• Эрчим хүчний үйлдвэрлэлийн нүүрсний хангамжийн тогтвортой байдал, нүүрсний олборлолт, баяжуулалтын бодлогын хэрэгжилтийг хангах;
• Хүнд үйлдвэрийн салбарын хөгжлийн бодлого боловсруулахад дэмжлэг үзүүлэн шаардлагатай мэдээллээр хангах, бодлогын удирдамжийг хэрэгжүүлэх, энэ салбарын хөрөнгө оруулалтын орчинд үнэлэлт, дүгнэлт өгөх, түүнийг сайжруулах санал, судалгаа боловсруулах, чиг үүрэг хэрэгжүүлнэ.
• Ашигт малтмалын хайгуулын нэгж нь: Ашигт малтмалын, судалгааны бодлого боловсруулахад дэмжлэг үзүүлэх, хайгуулын тусгай зөвшөөрлийн сонгон шалгаруулалтад ирүүлсэн баримт бичигт хавсаргасан хайгуулын ажлын төсөлд дүгнэлт гаргах, төслийн гүйцэтгэлд хяналт тавих, хайгуулын ажлын төлөвлөгөө, тайланг хянаж хүлээн авах, хайгуулын ажлын зардлын доод хэмжээг хянан баталгаажуулах, хайгуулын ажлын үр дүнгийн тайланг хүлээн авч холбогдох дүгнэлт, шийдвэрийг гаргах ажлыг зохион байгуулах, дээрх үйл ажиллагаатай холбоотой цахим мэдээллийн сан бүрдүүлэх, баяжуулах материалыг судалж, санал дүгнэлт гаргах, холбогдох мэдээ мэдээллээр холбогдох төрийн захиргааны төв байгууллагыг хангах үндсэн чиг үүргийг хэрэгжүүлнэ.

Нэгжээс үзүүлэх үйлчилгээний шууд хэрэглэгч нь агентлагийн дарга, байх ба шууд бус хэлбэрээр энэ үйлчилгээг хэрэглэгч нь Уул уурхай, хүнд үйлдвэрийн яам, ашигт малтмал олборлох, боловсруулах ажил эрхэлдэг өмчийн бүх хэлбэрийн аж ахуйн нэгжүүд, тусгай зөвшөөрөл эзэмшигчид, уул уурхайн чиглэлээр шинжилгээ, судалгааны ажил эрхэлдэг их, дээд сургууль, эрдэм шинжилгээний байгууллагууд, гэрээлэгчид, хөрөнгө оруулагчид, Байгаль орчин, аялал жуулчлалын яам, бусад яамд, Засгийн газрын тохируулагч, хэрэгжүүлэгч агентлагууд, нутгийн захиргааны байгууллагууд, гадаад орон, олон улсын байгууллага, хил гааль, хяналт шалгалт,хэвлэл мэдээллийн байгууллагууд байна. Энэ үйлчилгээг үзүүлэхэд оролцох гол түнш нь Төрийн захиргааны төв байгууллага, Мэргэжлийн хяналтын ерөнхий газар, агентлагийн дотоод бүтцийн нэгжүүд байна.

Газрын бүтэц, зохион байгуулалт: