“Эрдэнэс Метан” ХХК нь Таван толгой-XXXIII талбайд нүүрсний давхаргын метан хийн хайгуулын хөндлөн цооног амжилттай өрөмдөж дууслаа.

АМГТГ-ын холбогдох албаны хүмүүс 2025 оны 03 дугаар сарын 23-ны өдөр Өмнөговь аймгийн Цогтцэций сумын нутагт орших уламжлалт бус газрын тосны хайгуулын Тавантолгой XXXIII талбайд ажиллан,  Бүтээгдэхүүн хуваах гэрээний дагуу нүүрсний давхаргын метан хийн хайгуул, судалгааны ажил гүйцэтгэж буй “Метан газ ресурс” ХХК-ийн үйл ажиллагаатай газар дээр нь танилцлаа.Тус төсөл нь Засгийн газрын 2020 оны 143 тогтоолоор эрх олгосны дагуу        АМГТГ болон “Метан газ ресурс” ХХК-ийн хооронд 2020 оны 05 дугаар сарын 06-ны өдөр байгуулсан БХГ-ний хүрээнд хэрэгжиж байгаа бөгөөд 10 жилийн хугацаанд хайгуулын ажилд багадаа 25 сая ам. долларын хөрөнгө оруулалт зарцуулахаар гэрээнд тусгагдсан болно. 
      БХГ-ний хэрэгжилт, хайгуул, судалгааны талаар тус компанийн гүйцэтгэх захирал Б.Одхүү, менежер А.Энхболд, П.Эрдэнэ нар танилцуулсан.

Гэрээлэгч нь өнгөрсөн 5 жилийн хугацаанд 105 тууш км 2 хэмжээст чичирхийллийн судалгаа, 17840.25 тууш метр 29 цооног өрөмдөж, 2023 оноос Red Lake#05 ба Red Lake#07 зэрэг цооногуудад ус ба хийн шавхалт, туршилтын ажил гүйцэтгэж, “Нээлтийн цооног”-оор бүртгүүлсэн байна. 
Тус компани нь Монгол Улсын хамгийн анхны нүүрсний давхаргын метан хийн хөндлөн цооногийн өрөмдлөгийн ажлыг хийж, 1567 метр урт, зорилтот нүүрсний IIIb давхраас дундуурх нэвтрэлтийн урт 720.4м хөндлөн цооногийг 2025 оны 03 дугаар сарын 23-ны өдөр амжилттай өрөмдөж дуусгасан байна.

Энэхүү хөндлөн цооногийн өрөмдлөгийг хийж гүйцэтгэсэн нь хайгуул, судалгааны ажлын үр дүнг баталгаажуулах, эдийн засгийн үр ашигтай нээлт эсэхийг тодорхойлоход чухал ач холбогдолтой юм.

 

Эх сурвалж:

Газрын тос, бүтээгдэхүүний газар 
Дарга
Ч.Чулуунбат
Утас: 51-263750
2025-03-28